గూడు విడచెడు వేళ బులుగుల గోల వినబడదేల సకియా? 
వేడుకను నిదురించ జాలిక, వేకువాయెను మంకు చెలియా!
కడియములు గాజులును మ్రోగెడి గలగలల సౌరభములీను, ప
సిడి గురియు గొల్లెతల ముచ్చట, జెవుల జేరద నీకు నిపుడు, ప
విత్రమౌ నారాయణామృత వినిమయము గురుతించ వెరపా? 
మిత్రురాలా!కేశి దునిమిన మేటి కేశవు బొగడ మరపా? 
మాదు గానము నీకు నేడగు మధురమౌ పవళింపుబాటగ? 
 కాదు కాదిటు రాగదే, చెలి,గడియ దీయుము, వాణి మీటగ ! (7)