ధర్మ వాహన! గలరు ధరను భక్తులు చాల
   

కర్మ మార్గమందు నిక నలసితి నే   జాల

నేగాను గడగూచి, నెరుగ నిను బేలగా,

నేగాను తిన్నడిని, నీకు నా కనులొసగ,

అల్లమ ప్రభువునుగానార్తి   గొల్వగలేను
     
భిల్ల దంపతిగాను ప్రీతి  గెలువగలేను

రారాజ చోళునిగ రాచ ఠీవిని నేను

గౌరీశ! నీకు నే  గుడిని గట్టగ లేను

కైమోడ్పు లివి నీకు,కాలాత్మ!కేదార!  

నీ మోము జూతునో నిటలాక్ష, కనులార ! 

పాడేను పరమాత్మ ! ఆడేను ప్రతియాత్మ !