గడచినట్టి రోజులతో అలుపెరుగని పరుగు..
తేత తేట మాటలలొ నిస్తేజము కరుగు,
వామనగుంతల లిబ్బిని పొందిన ఆనందాలు,
గచ్చన కాయల ఓడిన కన్నీటి చారికలు,
తొక్కుడుబిళ్ళల ఆటల సేద తీర్చిన ధన్వంతరి,
రావిచెట్టు కొమ్మల ఊయల పాటల తేటగీతి,
పాఠశాల గదుల్లో రెక్కవిప్పిన విజ్ఞానం,
ప్రపంచ తొలి వీక్షణాన కన్నులలొ తళతళలూ..
పొడుగు నోటుబుక్కు అట్ట రంగుల మిలమిలలూ,
వాననీటి వరదల్లో పరుగులిడిన పడవలూ,
నింగిని తాకే ధైర్యం నింపిన బొమ్మ విమానాలూ,
అలుపెరుగని బాల్యానికి అందమైన తొలి మెరుగులు...
అరుగంటే అరుగు కాదు..
మనసున ఆరని వెలుగు...
.......................
No comments:
Post a Comment